...Para sorrir...

- A nosa encargada de hoxe, Aitana, estaba debuxando o cadro do día cando lle pregunto: e iso que estás facendo que é? un sol?. -Non profe, é unha araña. -Ah, claro. A ti gústanche as arañas? A min non me gustan! -Profe, non se comen eh!! (Por sea caso se me ocorría...) (28.09.10)

-Hoxe mirando as letras do Libro dos Nomes,cando chegou o turno da letra X que se ilustraba cun xilófono, pregunto: e esta letras como se chama? é a de piano (confunde alguén), non é a de xilófono-di Iria.-Si, é a de xilófono-afirmo. -Si, pero tiene unas mosquitas ahí...-di Aitana con cara de noxo mirando as notas musicais que saian do instrumento.(05.10.10)

-Hoxe aprendemos os nomes dos dedos, logo do corazón ao que me referín como "pai de todos" sinalei o seguinte (o índice ou furabolos) Ramón adiántase: "nai de todos"... (e con moita lóxica!si, señor!) (18.10.09)

-Cando Ramón, o noso encargado de hoxe estaba facendo o seu cadro, tod@s ían dicindo que tiña que debuxar: ollos, nariz, dentes..eu preguntáballe para que servía cada cousa. Cando Paloma di: Labios!! que serven para pintar! (está claro que é unha función imprescindible..) ;) (21.10.10)

- Hoxe estabamos traballamos froitos do outono e aprendemos que a bellota chámase tamén landra, en galego. Ademais Paloma, moi convencida pregúntame se sei como se dí en inglés, ante a miña negación dime moi convencida e cun acento moi británico: BE-LLOT! (sen palabras.... :) (12.11.10)

-Hoxe Alejandro cando tocou o timbre para entrar no cole, botouse a chorar porque quería ir co seu irmán. Moi apenado dime: É que eu son grande! -Si, claro que eres maior! -Por iso, teño que ir para a clase dos maiores!! (Razón non lle faltaba! :) (17.11.10)

-Hoxe logo de estampar os seus beizos Alba andaba con moito coidado para non borralos, por iso dixo moi emocionada : -Cuando vea esto mi madre va a flipar! (Flipar, flipamos tod@s con estes pequech@s!! ) (19.11.10)

-Fai uns días, os pequechos estaban coa profe Gloria traballando cando Alejandro moi serio se lle acerca e lle pregunta con moito sentimento: Profe, queres ser a miña moza? (13.12.10)

-Hoxe ensaiando o final da obriña que imos representar no festival, Aitana moi convencida levantou as mans cos compañeiros e desexounos un FELIZ CUMPLEAÑOS! (en lugar de Feliz Navidad) :) (13.12.10)

-Hoxe Carolina trouxo unha merenda moi especial...eran uns "palitos" como eles lles chaman que viñan nun bonito cofre entón a conversa das tartarugas na hora da merenda xurdiu en torno a tesouros e fantasía..Moi orgullosa do seu artiluxio lle dixo as súas amigas: - Comproumo miña mamá no "tesorario". (pura lóxica..se de herbas-herbolario, de tesoro...) :) (13.12.11)

-Hoxe na hora de escoller o recanto para xogar libremente, acércaseme Aitana apenada: -Profe, nadie quiere venir conmigo al Carrefour. Ao ver a miña cara de circunstancia, sinaloume o "recanto do súper". :) (19.01.11)

-Hoxe Paloma, que non é moi comedeira, interrumpe a actividade para mirarme moi seriamente e dicirme: -"Profe, a miña nai díxome que me doían as pernas porque solo teño huesos" (20.01.11)

-Hoxe no recreo lucía un sol radiante, tanto que Alba estaba un pouco incómoda: "Me molesta en los ojos esta claridad. Será mejor llamar a Dios para que apague un poco la luz". (10.03.11)

-O gatiño Ramón achégase a Alejandro que estaba sentado traballando, a ensinarlle algo, pero éste moi concentrado contéstalle: -Ramón non me interrumpas que me desconcentras". Estes gatiños fanse maiores...;) (16.03.11)

-Que día é hoxe? Vintee....(digo sinalando o número 20).
-Vintecero-contesta Alba moi satisfeita. A ver quen lle dí o contrario...:) (20.05.11)

-A profe Mª José logo de ver unha estrela que acababa de pintar Alba díxolle: -Alba, esta estrela podería estar mellor pintada.... -Profe, éste es mi arte!!- contéstalle ela moi emocionada. (24.05.11)

-Hoxe Paloma lastimouse o beizo coa mesa e logo de consolala e pasado un tempo. Mírase ao espello e dime...Profe! pero si parece que teño un "picnic" sinalando o golpiño. -Será un piercing-dígolle eu. -Si, eso un piercing rojo!! (07/06/11)

30 de septiembre de 2010

A ESCOLA DO MAR

Durante estes primeiros días de curso, o equipo das tartarugas estiveron traballando cunha poesía titulada "A escola do mar". Fixeron uns libriños con ela que xa case remataron, só falta encuadernalos. Cando o teñamos xa volo ensinamos pero de momento deixámosvos unha presentación con algunhas fotiños.

24 de septiembre de 2010

o período de adaptación..

..chegou ao seu fin. O Luns os máis pequechos xa nos acompañarán durante toda a xornada. Aínda que a algún aínda lle custa separarse da súa mamá, pouco a pouco vanse adaptando estupendamente as rutinas da clase. Estes días establecimos 2 equipos: o das tartarugas, formado polas nenas de 4 anos e dos gatiños, formado polos nenos e nenas de 3. Estes equipos serviranos para diferentes actividades e xogos.
Deixamos unha foto dos gatiños, agora que xa temos o permiso da imaxe para que nos vaiades coñecendo.

23 de septiembre de 2010

Un pouco de globoflexia...

Hoxe a profe fíxonos uns "ratonciños voladores" con globos de globoflexia. Nós axudámoslle a facerlle os ollos e os bigotes e aínda que ao principio non nos saía o de facelos voar, pouco a pouco fomos colléndolle o truco...Pasamos un rato moi divertido!

22 de septiembre de 2010

Decorando...

Durante estes días tamén fixemos uns farolillos para adornar o corredor.
Só nos fixo falta un cartón de papel hixiénico, pintura de dedos, gomets e tiras de papel pinocho ou de seda!

Para merendar...

Fixemos uns manteis individuais!! A profe dounos un froita que pintamos coas pegadas dos nosos dedos, logo  recortounola (pois era un pouco complicado para recortar nós), pegámola cada un nun folio de cores e decorámolo con gomets. Os máis pequenos puxémoslle a foto xunto ao nome para recoñecelo. Logo a profe plastificounos e así de chulis quedaron!
Gústanvos?



Por suposto xa os estreamos!! mirade como merendamos!

14 de septiembre de 2010

Pouquiño a pouco..

Pouquiño a pouco tod@s nos vamos adaptando ao novo curso. As nenas de 4, van coñecendo a profe, recordan regras, e retoman hábitos e rutinas. Mentras que os máis pequechos, de 3, visítannos unhas horiñas cada día para ir coñecendo este novo mundo para eles.
De momento todo marcha sobre rodas!

"As señoritas de 4"


11 de septiembre de 2010

Psicomotricidade

Os nen@s terán a clase de psicomotricidade coa profe Alba os Luns e Martes polo que é convinte que veñan en chándal e tenis.

9 de septiembre de 2010

Comezamos...

Dende aquí quero dar a benvida aos 12 pequechos cos que compartirei unha nova andaina da miña vida. Mañá será un día de nervios, posiblemente choros...sobre todo para os 5 que se incorporan por 1ª vez: Aitana, Alejandro, Irene, Iván e Ramón. Tanto a eles como as 7 nenas xa "veteranas": Alba, Carolina, Iria, Lorena, Paloma, Sara e Tania lles desexo un feliz curso. Un biquiño.