o fin da nosa historia...

Ata aquí chegou o noso blogue...Como tod@s sabedes o vindeiro curso xa non estarei no cole, teño un novo destino no que me espera unha nova andaina que espero que sexa tan especial como esta.
Quérevos desexar cativos, o mellor nas vosas vidas. Síntome moi afortunada de formar parte delas e espero deixar en vós unha pegada como vós a deixades na miña.
Sei que vos deixo en boas mans. Prometo pasar a visitarvos tan pronto poida, pois xa sabedes que é difícil, debido aos horarios similares que temos nos coles.
Familias se queredes compartir algunha foto das vacacións mándadea ao correo e publicareina igualmente.
Disfrutade do que queda de verán!!
Moita sorte e moitísimos bicos e apertas!!

Actividades para as vacacións..

Aquí vos deixo algunhas actividades que poden facer os cativos durante as vacacións. pinchade aquí e poderedes descargalas e imprimilas.
Saúdossssssss!!

Como vai ese verán pequech@s?

Hola peques!! que tal o estades pasando?? o tempo non nos deixa disfrutar moito da praia e a piscina pero aínda quedan moitas vacacións!
Algunhas familias dixéronme se lle podía mandar actividades para facer aos nenos/as, díxenlle que lles deixaba material por aquí  e dinlles algunhas pautas que si poden facer na casa para que os cativos non se olviden de todo o que aprenderon no cole, pois foron moitas cousas!!
Entre outras cousas, podedes....
- Establecer unhas normas e por suposto...CUMPLILAS. É moi importante pois así os nenos/as van adquirindo condutas de comportamento que lle servirán moito no seu desenvolvemento. Por iso podedes acordar con eles unhas normas e poñer unha sanción se non se cumpren e un reforzo se así o fan...
-É importante tamén que os nenos/as teñan unhas rutinas diarias. No inverno, durante o curso é máis sinxelo e está todo máis controlado pero no verán....
-Fomentar nos nenos/as a súa autonomía (comer, asearse, vestirse...) e propoñédelle algunha responsabilidade.
-Podedes xogar con eles recordando letras, números e outros conceptos traballados no cole.
-Motivalos para que coloreen, recorten...nestes días de choiva.
-Ler contos.
E moitísimas cousas máis que se vos poidan ocorrer..ESO SI!! É IMPORTANTE non atosigar ao cativo facendo cadernos ou actividades, recordade que XOGANDO TAMÉN SE APRENDE. E que sobretodo teñen que XOGAR E DESCANSAR!!
No meu PICASA (tendes o enlace na marxe dereita) podedes descargar algunha actividade para que fagan ou tamén vos irei deixando enlaces ...hoxe deixovos...UN BINGO DE LETRAS que lles encanta. Clicade e xa vos leva a páxina onde podedes descargalo, imprimilo, plastificalo ou non...e xogar toda a familia!!
Seguide disfrutando!!!
un bico moi forteeeeeeeeeeeee!! muaaaaaaaaaaaaaaaak!!

BINDO DAS LETRAS

Grazas de novo!

Hoxe quero agradecer con esta entrada á familia de Carolina o agasallo tan bonito que me fixeron e que irremediablemente cada vez que vexo fai que os meus ollos comecen a brilar...
Trátase dun libro e unha caixiña de madeira elaborados por elas mesmas.

 

MOITISIMAS GRAZAS! e MOITA SORTE NAS OPOS ANA! (pois ademais de ser unha súper mamá Ana tamén é profe e está preparando as oposicións).



Tende por seguro que nunca vos esquecerei pequechos!!

GRAZAS!

Non podería describir como me sinto no día de hoxe...triste por deixarvos... afortunada por compartir este tempo con vós...Inqueda por como será o novo destino...
Só teño unha palabra para vós: GRAZAS.
-A ti, Aitana, polas túas ocorrencias.
-A ti, Ramón, porque con eses ollos convences a calquera.
-A ti, Alejandro, porque o que  parecía ser un pequeno trasniño resultou ser un osiño amoroso.
-A ti, Irene, porque detrás dese tímido sorriso, atópase unha pequena aventureira.
-A ti, Tania, porque ademais de nervio hai calma.
-A ti, Iria, pola túa sensibilidade.
-A ti, Lorena, porque eres a miña "cabuxiña".
-A ti, Sara, pola túa dureza e madurez.
-A ti, Carolina, porque detrás de esas rabietas, hai un encanto de nena.
-A ti, Paloma, por alegrarnos coas túas cancións.
-A ti, Alba, pola túa calma e fantasía.

Por todo isto, é por todo o que vivín con vós. XAMAIS os esquecerei.

E tamén a vós, COMPAÑEIRAS, FAMILIAS E DEMAIS NENOS/AS DO CENTRO, sen os cales o meu traballo non sería  o mesmo.
Isto non é un ADEUS, é un ATA SEMPRE.

Xogamos aos bolos!!

Hoxe no recreo a profe Maite baixou os bolos que fixo cos seus nenos cos botes dos bebibles e deixáronnos xogar con eles. QUE BEN O PASAMOS!!

Festa da auga....APLAZADA!

Debido a que previsión do tempo para mañán non é moi boa, queda aplazada a Festa da Auga ata novo aviso.

FESTA DA AUGA!!

O martes 31 de Maio, no cole e debido a que é centro de interese que estamos traballando, celebraremos a Festa da auga.
Para iso e como xa vos mandamos na nota, os nenos terán que vir co bañador posto por debaixo da roupa (que será cómoda para que poidan vestirse sós: vestidos, traxes playeros..), e calzados con sandalias/chanclas de goma que se poidan mollar.
Na mochila traerán unha toalla, crema protectora e unha muda interior (braga/calzoncillo).
Confirmaremos o luns se a celebramos ou non, dependendo do tempo.
Tamén poden traer cousas para xogar con ela (se ten o nome, mellor).
QUE BEN O IMOS PASAR!!

FoTo dE fAmiLiA!!

Aquí vos deixamos unha foto de familia de todo o cole que sacamos hai uns días.
PA-TA-TAAAAAAAAAAAA!

Unha tartaruga finalista!

Onte na Piscina Municipal de Cambados celebrouse o XIII Campionato de Natación en idade escolar e a nosa tartaruga Carolina representou ao CEIP Armenteira na categoría F quedando en 4ª posición!! Noraboa pequecha!! Os peques hoxe contábanmo orgullosos e a súa familia quixo compartir con todos/as nós estas bonitas fotos! GRAZAS! E, de novo, NORABOA!
Mirade como luce orgullosa a súa medalla!!

o XXV aniversario do cole!!

O Venres pasado como xa sabedes celebramos o 25º cumpreanos do cole. A verdade é que se achegou moita xente: autoridades, ex-alumnos, ex-mestres, alumnos/as e mestras actuais...Pasámolo moi ben! Aquí vos deixamos a mostra.
Se visitades o blogue do cole ou o seu facebook tendes moitas máis fotos!

Hoxe, festa para todos!!

Como xa todos/as sabedes hoxe festexamos o XXV aniversario do cole cunha festa como se me

rece!! A partir das 5 da tarde estades convidados: papás, mamás, avós, avoas, irmáns, irmás, curmáns, tíos... NON FALTEDES!

se pinchas na imaxe verás o programa ampliado

Que ricos zumes!!

O venres no cole tivemos un día un pouco especial pois tivemos un obradoiro de bebidas saudables que realizou o SPAD de Vilagarcía.
Xa ao comezo da mañán estivemos vendo unha peli "Vecinos Invasores" na que intentaba concienciarnos un pouquiño sobre o consumismo. Logo os peques merendamos e saimos ao recreo mentres que os maiores escoitaban unha charla sobre bebidas saudables, logo disto axudaron prepararon os seus propios zumes e nós tamén subimos a probalo!!
Que ricos e fresquiños estaban!!

O noso cole no FACEBOOK!

O noso cole, e debido sobre todo a celebración do 25º aniversario, xa dispón dun perfil no facebook no que familias, ex-alumnos, alumnos actuais....poderán intercambiar experiencias e anécdotas.
Busca CEIP ARMENTEIRA e agrégao!

Moitas grazas!

Grazas a vós que nos visitades xa temos as nosas primeiras 5000 visitas! Agradécese un montón ver que a xente visita e comenta o que fas, sobre todo se o que se fai é porque gusta, como é o caso deste blogue. Esperamos, eu e os meus peques, que sigades visitándonos a miúdo e deixando os vosos comentarios que, sen dúbida, é o que o mantén vivo.

un biquiño!

Aproveitando o bo tempo..

Hoxe ao final da mañá aproveitando o bo tempo que facía saímos ao patio a xogar, a profe ensinounos un novo xogo "La zapatilla por detrás" algún neno xa o sabía, pero a todos lles encantou xogar, aínda que algún facía un pouquechiño de trampa e deixaban o olliño medio aberto para mirar... que simpáticos eran!

 Ademais levamos para casa o pallaso articulado que fixemos durante o proxecto do circo e que tiñanos na aula adornando, deixando así sitio para novos traballos.

Noraboa profe Vero!

Hoxe queremos adicar esta entrada a profe Vero porque xa foi mamá!
Dende o teu cole os máis peques desexámoste MOITISIMAS FELICIDADES!

Estamos de volta!!!

Logo dunhas merecidas vacacións, os Peques da Armenteira estamos de volta. Onte foi o encontro e como non puido ser doutra maneira, foi un día cheo de emocións e novidades.

Estabamos ansiosos de contar o que nos trouxeran os Reis e logo de facelo debuxámolo, ademais descubrimos que na biblioteca as súas maxestades deixaran algo para nós, e como non,Fomos correndo a ver de que se trataba, eran unhas mesas moi chulis de cores e do noso tamaño para poder disfrutar dos marabilloso mundo dos contos, tal e como nos dicía a nota que nos deixaron.

Os maiores montáronas e hoxe xa as estreamos!!!

Gracias Reis Magos!!!





Mañán volvemos!!

Que tal pequechos?? como pasachedes as vacacións?? deixaron moitas cousas os Reis?? seguro que nos tendes un montón de cousas que contar, pero xa non queda nadiña...vémonos mañán coas pilas cargadas.
un biquiño!!

Como traballamos!

Estamos que non paramos!

Acabando portadas e libriños, ensaiando as actuacións!! e é que xa non queda nada para rematar este 1º trimestre e andamos todos a cen por hora!!