Máis do samaín...

Deixámosvos algunhas actividades que fixemos para o noso libriño do Samaín co cal non só aprendemos cousas desta tradición senón que tamén traballamos conceptos espaciais,  lóxico-matemáticostécnicas plásticas, e un montón de cousas máis... Moitas das ideas foron sacadas do blogue de compañeiras que temos enlazadas nos Blogs que seguimos e que aproveito para felicitar!

os nosos portanotas

A nai de Lorena, Eva, regalounos uns sobriños de plástico para facer o noso portanotas. Que como o seu nome indica serviranos para levar as notas informativas do cole á casa sen mancharse, mollarse, romperse... Moitas grazas Eva! nós pegámoslle gomets para que quedaran así de chulis!

Así todas as notas viaxarán seguras na nosa mochila!!

Que medooooooooooo!!

Hoxe foi un día de moito medo e sustos! Logo do recreo e despois de traballar durante toda a semana por fin puidemos lucir os disfraces que fixemos e tamén cantamos a canción da Bruxa Piruxa para todo o cole e fixémolo moi moi pero que moi ben! Ao igual que o fixeron os demais nen@s do cole que cantaron e bailaron e ata contaron contos moi chulis!
Despois fomos disfrazados polas clases dos maiores para meterlle sustos e a cambio dábannos chuches do Samaín co tradicional "Truco o Trato". Logo miramos unha peli de medo! Que ben o pasamos!

3,2,1...SAMAÍN!

Esta semana estivemos moi atarefados facendo traballiños do Samaín xa que mañán o celebraremos dunha maneira terroríficamente divertida!!Xa vos contaremos xa...

Ademais os nenos/as trouxeron unhas cabazas moi chulis para a exposición do cole, a de Aitana ata tiña unhas sorpresiñas moi doces que compartiu cos seus amig@s!

A nosa primeira excusión...

Onte fixemos a nosa primeira excursión do curso. Os gatiños eran a primeira vez que ían de excursión e tanto eles como as tartarugas se portaron moi ben. Visitamos o Café Moderno que estaba de aniversario, onde nos explicaron un pouquiño a súa historia, vimos unha película muda co son dun piano en directo (que nos encantou!) e logo convidaronnos a chocolate!
Todo despois de xogar e merendar no Parque da Alameda!

Felicidades Iria

Hoxe, por fin, celebramos o cumple de Iria (pois entre que a profe o tiña mal anotado e a excursión non tivemos tempo) fíxémoslle a súa felicitación e repartiunos uns cucuruchos con chuches e bombóns! Moitas grazas Iria e moitísimas Felicidades!!

Cabazas do Samaín

Con motivo da celebración do Samaín, no cole imos a facer unha exposición de cabazas. Axudádelle aos nenos/as a facer a súa para que a poidan lucir nesta terrorífica exposición....

Que medo!

Onte cando chegamos ao cole, vimos que xa estaba decorado con moitas cousas do Samaín que a profe Paula estivo colocando, e logo de falar na asemblea sobre esta tradición empezamos a facer cousiñas sobre esta festa que tamén se chama Halloween.

De momento fixemos uns morcegos para o corredor!



Tania ensínanos o seu

 Gústanvos?

Os dedos teñen nomes?

Esta semana estivemos traballando o nome dos dedos, falamos de que poden chamarse de moitos xeitos, pois coñecían nomes como pulgar ou meñique. Nós, aprendémolos cunha canción e fixemos unha man cos seus nomes para ensinar na casa.

"Pequeniño, pequeniño,
onde estás?
aquí estou.
Gusto en saudarte (bis)
Xa me vou (bis)"
Así con todos os dedos: pequeniño, medianiño, pai de todos, furabolos, matapiollos...ata acabar con toda a familia (man completa). Se lle preguntades aos nen@s seguro que saben!
Ademais tamén saben un contiño cos dedos!!
Deixamos unha foto para que vexades como quedou a man de Lorena, pois a profe esqueceuse de sacar fotos e só lla quitou a dela que a trouxo para arreglar hoxe, porque se lle rompeu

O conto fonoarticulador

 O outro día a profe leunos un conto diferente ao que estamos acostumados que ela mesma fixo.Trátase dunha historia da serpe Simona e da abella Diana, coa que coñeceremos non só os sons dos diferentes fonemas senón mellorar na súa pronuncia.

As nosas rutinas



Panel da asemblea



 

Cada día estamos máis acostumados as nosas rutinas e é que xa levamos un mesiño de curso e pouco a pouco imos adquirindo os hábitos.


"o cadro do día"



Todos os días ao chegar ao cole temos unha serie de actividades que non poden faltar, logo de poñer os mandilóns dirixímonos a asemblea onde alí escollemos o encargado mediante unha canción. Temos que estar moi atent@s porque á vez que cantamos "De quién sea este nombre que se levante..." a profe na pizarriña que temos vai escribindo unhas letras que corresponde ao nome dun gatiño ou dunha tartaruga, aos gatiños cústalles un pouco máis saber se é o deles porque aínda non o coñecen moi ben pero coa axuda das tartarugas pronto o recoñecerán. O encargad@ levántase e comeza as súas labores: ten que colocar a súa foto na ventá de encargado, pasar lista, ver os nenos que faltan e apuntalos, rexistrar o tempo que fai, anotar o día no que estamos, etc... ademais de completar o seu nome coas letras que temos nos caixóns. Logo entre todos contamos cantas letras ten o nome, e cantos saltitos (sílabas), tamén cantamos cancións do tempo atmosférico (Sal solito, Saiu o sol, que llueva que llueva...) e contamos o conto dos pingüíns. Ademais de falar no tempo de asemblea. Logo convertémol@ entre tod@s en pintor ou pintora cunhas palabriñas máxicas e fainos o cadro do día, onde se debuxan a eles mesmos que por suposto estará firmado! e ninguén pode borrar!

Busca tamén a súa letra no libro dos nomes para ver que outros nen@s da clase comezan pola mesma letra.
Ser o encargad@a supón unha gran responsabilidade porque ademais de todo isto axuda a profe a repartir material, é o primeiro na fila, e ademais ten que regar as plantas que temos cando así o precisen...
Hoxe a nosa encargada foi Aitana e como a tod@s encántalle selo!

Libro dos nomes

A poesía...

da"Escola do mar" que traballaron as tartarugas nos primeiros días de cole recollémola nun libriño, como vos dixemos, que quedou así. Mirade!

Para que serve o embigo?

Hoxe a profe leunos o conto que trouxo Carolina, "O embigo de Xanecas " (Ed.OQO) pero antes falamos do que era o embigo...

Profe: Vos tendes embigo?
Todos: Siiiiiiii!
Profe: onde?
todos: aquí! (sinalan a barriga, moitos incluso levantan a roupa e o ensinan)
Alejandro: Eu tamén teño!
Profe: Todos temos non?
Todos: si!
Carolina: O meu é pequeniño.
profe: e para que serve o embigo?
Ramón: para respirar.
Paloma: por se che doe a barriga.
Sara: porque se o tocamos moito sale sangue.
Ramón (insiste) : para respirar
Alejandro: Non! é para soplar!

Profe: Pero vos respirades polo embigo?

Paloma: o aire vai por aquí, e métese pola nariz e logo sopla.

Profe: A ver, vos para que credes que serve o embigo?

Aitana: Para echar aire.

Profe: O voso embigo bota aire?

Todos: Non

Profe: Entón?

Lorena: No sé..

Alba: Mmmm..Cuanda duele el ombligo está mal..

Ramón: Eu creo que non, é para respirar.

Sara: es un burato.

Coa lectura do conto e da axuda da profe, fomos entendendo que o embigo, si serve para respirar (como moitos dicían) pero cando aínda estamos na barriga de mamá...

Felicidades!

Onte e hoxe foron días de celebracións. Tania cumpriu 4 aniños e Irene 3. As dúas decoraron ao seu gusto a súa coroa de anfitrona que luciron orgullosas. Cantámoslle varias cancións de cumpreanos e fixémoslle unha tarxeta-agasallo entre tod@s. Ademais elas trouxéronnos chuches!!

 

Cantas cousiñas..

Xa temos moita información para comezar a traballar. De novo, agradezo a colaboración das familias, grazas a elas mirade que cheíño temos o noso recanto do proxecto..
Ademais, Eva, a mamá de Lorena mandounos un agasallo a cada gatiño e cada tartaruga: un cepillo de dentes e un botiño de pasta! Co fin de concienciar aos nenos/as cara un bo coidado bucodental!

MOITAS GRAZAS FAMILIAS!!

Grazas familias!

Por mandar xa algúns materiais para traballar o noso proxecto! Calquera cousa que credes que poida servir, non dubidedes en mandalo!
un saúdo!!

A cor amarela...

Logo de sacar a idea do blog dunha compañeira decidín facer un libro de cores. Aínda que no cole estamos continuamente traballándoas de maneira "inconsciente", esta semana tocoulle á cor amarela. Xogamos ao "vexo-vexo", recolectamos cousas de cor amarela e fixemos a páxina desta cor. Hoxe acabamos a actividade pegando no cascarón do poliño cáscaras de ovo de verdade!

Para mover o esquelete...

Deixovos a canción que bailamos hoxe. Aos peques encantoulles!

Quedamos abraiados!

Hoxe na clase apareceu unha caixa máxica!! si, si! así como volo digo! Bueno, algúns xa a viron onte cando acompañaron aos papis á reunión pero desconfiamos de que fóra o trasniño máxico onte ao saír nós...
Esta caixa ten unha manga para meter a man o que nos permite tocar o que ten dentro antes de abrila e de ver o que hai dentro, e claro...todos probamos a ver que sentiamos!! todos os gatiños e todas as tartarugas meteron a man e coincidiron en que tocaban un papel, agás 1 ou 2 que tocaron tamén un libro e ata unha cuna lle pareceu sentir a Ramón!!
E efectivamente, ningún ía mal encamiñado, cando Alejandro, que era o encargado do día abriu a caixa alí estaban: un conto dos Bolechas, un póster dun esquelete, un depresor dos que teñen os médicos para ver a gorxa e unha venda!
Agora si que xa temos cousas para ir investigando...

que sabemos do corpo? e da saúde e as enfermidades?

Logo da carta do trasniño, na asemblea falamos de todo isto....

PROFE: que sabedes das enfermidades?
SARA: é a varicela
ALEJANDRO: meu irmán tiña varicela e quedou na casa un día
PALOMA: hai que comer patatas, carne...
PROFE: comer iso é bo?
CAROLINA: si, lechuga..
PALOMA: ensalada, aceitunas
TANIA: xurelos
VARIOS: sopa, polo...
IVÁN: tamén ovo cocido
PROFE: cando estamos enfermos onde hai que ir?
VARIOS: ao médico
CAROLINA: eu un día chorín porque me puxeron unha pincha
VARIOS: si e por que?
CAROLINA: porque estaba maliña
SARA: un día doiame a barriga e tiven que ir ao médico
ALEJANDRO: Borja un día tivo varicela eu quedei con papi
LORENA: eu un día estiven un pouco enferma.
CAROLINA: mami tiña un bebé e tiña cordón umbilical e puxéronlle unha tirita porque lle cortaron
PROFE: que é o cordón umbilical?
ALGUÉN: unha pulsera
CAROLINA: sale polo embigo
PROFE: e do corpo? que sabedes?
IRIA: temos nariz
ALGUÉN: temos corpo
SARA: huesos
CAROLINA: corazón
...
....
.......
Como vedes sabemos moitas cousas pero tamén temos moitas curiosidades, ideas mesturadas, e moitas cousas máis que imos a aprender!
estade atent@s.....

Comezamos un proxecto...

Onte o trasniño máxico que visita a nosa clase de cando en vez...deixounos unha carta!
Unha carta na que nos contaba a súa preocupación pola saúde. Nela cóntanos que el é moi larpeiro e que lle encantan as chucherías pero que no bosque dos trasnos onde habita dinlle que iso de comer tantas lambetadas non é bo...Nós, as tartarugas e os gatiños, estamos dispostos a axudarlle e por iso faremos unha investigación sobre o noso corpo e as enfermidades....Seguro que aprendemos moitísimas cousas e poderemos informar ao trasniño do que é bo e do que é malo para a súa saúde.

O NOSO HORARIO

• LUNS: Inglés e Psicomotricidade.
• MARTES: Psicomotricidade, Relixión e Inglés.
• MÉRCORES: Estimulación da linguaxe
• XOVES: Música
• VENRES: Inglés

As profes que nos dan estas especialidades son:

• INGLÉS: Profe Gloria
• PSICOMOTRICIDADE: Profe Alba
• MÚSICA: Profe Paula
• RELIXIÓN:Profe Mª José
• ESTIMULACIÓN DA LINGUAXE: Profe Sagrario

REUNIÓN COS PAIS

Recordade que o será o martes 5 de outubro ás 17.00h. Esperámosvos, pois nela explicaremos o funcionamento do curso e responderemos a todas as vosas dúbidas!!